හිත පුරා පෙම දීලා

කවි සිතට පණ දීලා

සතුට නුඹ මට දීලා

ඇයි ද අද පිටුපාලා . . .

එකතු කල මල් කලඹ

සැම තැනම විසිරිලා

නැගෙන හිරු උණුසුමට

හීනයත් බොදවීලා . .

ඉකි ගහන හදවතට

කදුළු බිදු එක්වෙලා

දෝරෙ යන දුක් ගගට

ජීවිතෙත් දියවෙලා . .

ඔය දෑස නොම දකින

මගේ ඇස් බොද වෙලා

නොපෙනෙනා මානයක

ඇයිද ඔබ  නැවතිලා . .

ජීවිතේ දුර ගමන

එකට අත් පටලලා

පියෙන් පිය නගන්නට

සිටිය ඔබ වෙන්වෙලා . .

අහිමි දුක හංගගෙන

ඔබ යනෙන මග බලා

දුක නුහුරු හදවතත්

ඔබ සොයා ඉගිලිලා . .

මහා දුරු කතර මැද

තව තවත් තනි වෙලා

විඩාබර දෙනෙත් තුල

ඔබ මතක පැටලිලා . .

එක්වෙන්න වරම් නැත

පැතුම් ලොව සුන් වෙලා

පෙර භවයෙදිත් මෙලෙස

යන්න ඇති වෙන් වෙලා . .

සිනහ මල් පැතුම් ගෙන

යලිදු නුඹ එනු එපා

මියැදෙන්න දැන් ලගයි

කදුළු ඇත වියැකිලා . . .

දිල්රු

2014-02-07

එනවාද හනිකේම . . .

දගකාර ඔය දෑස                 දුටුවාම . .

පවසනා රහස මට           හැගුණාම . .

නොකියනා වදන ඔබෙ   පෙම්බරම . .

හංගන්නෙ ඇයි මෙලෙස   හැමදාම . .

මලින් මල විකසිතව          පිපුණාම . .

මල් යාය හිනැහෙන්නෙ  තරු සේම . .

ඒ අස්සෙ හැංගෙන්න         හැමදාම . .

ඉඩ දෙන්න මුළු ලොවට    රහසේම . .

සැලෙන විට මල් යාය       සුළගේම . .

ඔබ එන්න සුවද වී              හැමදාම . .

රැක ගන්න මා දිවිය          පණසේම . .

එනවාද පිළිගන්න           හනිකේම. . .

~දිල් රු~
2014-02-02

මතක . . .

දෑස් අස්සෙන් වැටෙන කදුළැල්

මගේ හදවත රිදෙවුවාදෙන් . .

 

ගිලිහිලා ගිය සොදුරු සිත්තම

නුඹේ නෙත ලග බොද වුනාදෙන් . .

මැවූ හීනය අහස් ගවු උස

ගලන දුකටම දිය වුනාදෙන් . .

කියූ බස් ඔබ නෙතට ලං වී

කදුළු අතරෙම මියදුනාදෙන් . .

විසිරිලා ඇති මතක සැමරුම්

අපේ පයටම පෑගුනාදෙන් . .

නුඹේ දුප්පත් අහිංසක සිත

ඔහුගෙ සිත ලග සුරැකුනාදෙන් . . .

~දිල් රු~

2014 – 01 - 29

අප්පච්චී . . .

සුවහසක් දනන් මැද,
මහා දිවි තරුව ඔබ . .
කතර තුල වැඩ සිටින,
ක්ෂේම භූමියද ඔබ . .
දිවි ගමන ජයගන්න,
මහ සවිය වියද ඔබ . .
නිතර බත සවිය කල,
මහා කෙත් බිමද ඔබ . .
දිවි කතර ගිරි දඹේ,
නොසැලි අත් වැලද ඔබ . .
නව ලොවක මාවතේ,
නැවුම් නියමුවා ඔබ . .
මියෙන තුරු දිවි මගේ,
ජීව මිණි පහන ඔබ . .

~ දිල් රු~
2014-01-28